This is default featured slide 1 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 2 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 3 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 4 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 5 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

Friday, January 17, 2020

မင်းဘူးမြို့၊ မြို့မစည်ပင်သာယာဈေးကြီး မီးဘေးအန္တရာယ် ကြိုတင်ကာကွယ်ရေး လက်တွေ့ မီးငြိမ်းသတ် သရုပ်ပြသခြင်း ပြုလုပ်



မင်းဘူး          ဇန်နဝါရီ        ၁၆
          မကွေးတိုင်းဒေသကြီး၊ မင်းဘူးမြို့တွင် ပြည်သူများမီးဘေးအန္တရာယ် ကင်းဝေးစေရေးရန် အတွက် မင်းဘူးမြို့နယ်စည်ပင်သာယာရေးအဖွဲ့နှင့် ခရိုင်မီးသတ်ဉီးစီးဌာနတို့ ပူးပေါင်းပြုလုပ်‌သော မီးဘေးအန္တရာယ် ကြိုတင်ကာကွယ်ရေးနှင့် လက်တွေ့မီးငြိမ်းသတ် သရုပ်ပြသခြင်းကို ယမန်နေ့ ညနေ ၃ နာရီ အချိန်က မင်းဘူးမြို့ စည်ပင်သာယာဈေးအနီးရှိ ဓမ္မာရုံ၌ ကျင်းပခဲ့ကြောင်း သိရသည်။


         
အဆိုပါ မီးဘေးအန္တရာယ် ကြိုတင်ကာကွယ်ရေးနှင့် လက်တွေ့မီးငြိမ်းသတ် သရုပ်ပြသ ခြင်းကို မင်းဘူးမြို့နယ် စည်ပင်သာယာရေးအမှုဆောင်အရာရှိ ဉီးဝင်းနိုင်က မီးဘေးအန္တရာယ် ကြိုတင်ကာကွယ်ရေးနှင့် ပတ်သက်သည့် အကြောင်းအရင်းများကို ပြောကြားခဲ့ပြီး၊ မြို့နယ်မီးသတ် ဉီးစီးမှူး ဉီးစိန်ထွန်းက ဈေးမီးလောင်မှုကြီးများ ဖြစ်ပွားရသည့် အကြောင်းအရင်း ဆိုင်ရာလေ့လာ တွေ့ရှိချက်များ၊ မီးငြိမ်းသတ်နည်းများ၊ ဈေးများမီးဘေး ကြိုတင်ကာကွယ်ရေးအတွက် ဆောင်ရွက် ထားရမည့် အချက်များနှင့် ပတ်သက်သည့် အကြောင်းအရာများကို ပြောကြားခဲ့သည်။


          ထို့နောက် ခရိုင်မီးသတ်ဉီးစီးဌာန၊ လက်ထောက်ညွှန်ကြားရေးမှူး ဉီးထွန်းထွန်းက မီးစတင် လောင်ကျွမ်းပုံ၊ မီးသတ်ဆေးဗူးအသုံးပြုပုံများကို ပြောကြားခဲ့ပြီး ကျေးဇူတင်စကား ပြောကြား ခဲ့ကြောင်း သိရသည်။ ထို့နောက် ခရိုင်မီးသတ်ဉီးစီးဌာနမှ မီးသတ်ယာဉ် လေးစီးတို့မှ မင်းဘူးမြို့မ ဈေးအားကြီး လက်တွေ့ပက်ဖျက် သရုပ်ပြပေးခဲ့ကြကြောင်း သိရသည်။
ကျော်စိုးဝင်း(မင်းဘူး)

မင်းဘူးမြို့နယ်၊ ဇီးဖြူကုန်းရွာ၊ ဈေးဆိုင်ခန်းတစ်ခုတွင် မီးလောင်မှုဖြစ်ပွား




မင်းဘူး          ဇန်နဝါရီ        ၁၆
          မကွေးတိုင်းဒေသကြီး၊ မင်းဘူး(စကု)မြို့နယ်၊ ထိန်တောအုပ်စု၊ ဇီးဖြူကုန်းရွာ၊ မင်းဘူး-မင်းလှ ကားလမ်းဘေးရှိ ဈေးဆိုင်ခန်းတစ်ခုတွင် ယမန်နေ့ ညနေ ၆ နာရီ မိနစ် ၄၅ အချိန်ခန့်က မီးလောင်မှုဖြစ်ပွားခဲ့ကြောင်း မြို့နယ်မီးသတ်ဉီးစီးမှူးရုံးမှ သိရှိရသည်။
          မီးလောင်မှုဖြစ်ပွားရာသို့ မြို့နယ်မီးသတ်ဉီးစီးမှူးဉီးစိန်ထွန်း ခေါင်းဆောင်သော သန္ဓေ မီးသတ်တပ်ဖွဲ့ဝင်(၁၄)ဉီး၊ မီးငြှိမ်းသတ်ယာဉ် တစ်စီး၊ မီးသတ်ရေသယ်ယာဉ် တစ်စီး၊ ထောက်ရှာပင် နယ်မြေ မီးသတ်စခန်းမှ မီးငြိမ်းသတ်ယာဉ် တစ်စီးနှင့် တပ်ဖွဲ့ဝင်(၆)ဉီး၊ ရဲတပ်ဖွဲ့ဝင်များ၊ ကျေးရွာ နေပြည်သူများ ဝိုင်းဝန်ငြှိမ်းသတ်ခဲ့ရာ ည ၇ နာရီ မိနစ် ၂၅ ခန့်တွင် မီးငြိမ်းသွားကြောင်း သိရသည်။၊
မီးလောင်မှုကြောင့် ဉီးဌေးလှိုင်(ဘ)ဉီးအေးဝေ၊ အလုပ်အကိုင် ကျဘမ်း၏( ၁၅ X ၁၅ )ပေ သွပ်မိုး၊ ထရံကာ၊ မြေစိုက် ဈေးဆိုင်ခန်း အဆောက်အဉီ တစ်လုံး၊ ဆုံးရှုံးမှုတန်ဖိုး (၅၀,၀၀၀)ကျပ်ခန့် ဆုံးရှုံးပြီး လူ/တိရိစ္ဆာန် ထိခိုက်ဒဏ်ရာရရှိမှု မရှိကြောင်း သိရသည်။
ဖြစ်စဉ်နှင့် ပတ်သက်၍ ဉီးဌေးလှိုင်ကို မင်းဘူးမြို့မရဲစခန်းက အမှုဖွင့်အရေးယူထားကြောင်း သိရသည်။
ကျော်စိုးဝင်း(မင်းဘူး)

အိမ်တွင်းတစ်ပိုင်တစ်နိုင် တံမြက်စည်း ထုတ်လုပ်ရောင်းချခြင်း အကျိုး ဝင်ငွေတိုး



မင်းဘူး ၊     ဇန်နဝါရီ   ၁၆
            မကွေးတိုင်းဒေသကြီး၊ မင်းဘူး(စကု)မြို့နယ် ၊ အမှတ်(၄)ရပ်ကွက် တွင် တံမြက်စည်း လုပ်ငန်း လုပ်ကိုင်ပြီး ဒေသ အနှံ့ နေ့စဉ် တင်ပို့ရောင်းချ ခြင်းဖြင့် လုပ်ငန်းအဆင်ပြေလျက်ရှိ ကြောင်း ပိုင်ရှင် ဦးမင်းဇော် ထံမှ သိရသည်။


            တံမြက်စည်း လုပ်ငန်း လုပ်ကိုင်ရာတွင် မြက်ထုံး ၊ ဝါး ၊ ပိုက်ကြိုးတို့ကို အသုံးပြုရပြီး ဝါးတစ်ထောင်စည်း တစ်စည်းလျှင် (၁)သိန်းကျပ် ၊ မြက်ထုံး (၁)စည်းလျှင် ရှစ်ထောင်ကျပ် ၊ ပိုက်ကြိုး တစ်ငင်လျှင် ငါးရာကျပ် ပေးဝယ်ရ ကြောင်းနှင့်  တံမြက်စည်း အတို တစ်ချောင်းလျှင် (၈၀၀)ကျပ် ၊ အရှည် တစ်ချောင်းလျှင် (၁၅၀၀) ကျပ် ရောင်းချရ ပြီး မင်းဘူးဈေး၊ မကွေးဈေး ၊ မိတ္ထီလာ ၊ လွှိုင်ကော် နှင့် အခြား ဒေသများသို့ လည်း တင်ပို့ပေးရကြောင်း သိရသည်။

            တံမြက်စည်း အရေအတွက် တစ်နေ့လျှင် အချောင်းရေ ၁၆၀၀ ခန့် ပြီးစီးကြောင်း အလုပ်သမား အယောက် ၂၀ အလုပ်ပေးထားနိုင်ကြောင်း လုပ်အားခကတော့ တစ်မြက်စည်း တစ်ချောင်းလျှင် ၅၀ ကျပ် ပေးရကာ တစ်မြက်စည်း အရေအတွက်ပေါ် မူတည်၍ လုပ်အားခ ရှင်းပေးရသည်။ တံမြက်စည်းလုပ်ငန်း လုပ်ကိုင် ရောင်းချခြင်းကြောင့် မင်းဘူးမြို့ အမှတ် (၄) ရပ်ကွက် ဒေသခံ များ အား အလုပ်အကိုင် ပေးထားနိုင်ကြောင်းနှင့် မိမိလုပ်ငန်းလည်း အဆင်ပြေကြောင်း လုပ်ငန်းပိုင်ရှင် ဦးမင်းဇော် ထံမှ သိရှိရသည်။
ဇေယျာထက်(မင်းဘူး)

မင်းဘူး(စကု)မြို့နယ်၊ မောင်းမကန်ကျေးရွာတွင် ကျေးလက်ဒေသဖွံ့ဖြိုးရေး ပြည်သူ့စကားဝိုင်း ကျင်းပ



မင်းဘူး          ဇန်နဝါရီ        ၁၇              
မင်းဘူးခရိုင် ပြန်ကြားရေးနှင့် ပြည်သူ့ဆက်ဆံရေးဉီးစီးဌာန နှင့် အခြားမိတ်ဖက်ဌာနများ ပူးပေါင်း၍ ယမန်နေ့ မွန်းလွဲ ၁ နာရီက မင်းဘူး(စကု)မြို့နယ်၊ မောင်းမကန်ကျေးရွာ၊ ဓမ္မာရုံတွင် ကျေးလက်ဒေသဖွံ့ဖြိုးရေး ပြည်သူ့စကားဝိုင်း ဆွေးနွေးပွဲ ကျင်းပခဲ့ကြောင်း သိရှိရသည်။

          ရှေးဉီးစွာ ပြည်သူ့စကားဝိုင်း ဆွေးနွေးပွဲတွင် ပြည်သူ့လွှတ်တော်ကိုယ်စားလှယ် ဉီးဝင်းဝင်း က အဖွင့်အမှာစကားပြောကြားပြီး၊ မင်းဘူးခရိုင် ပြန်ကြားရေးနှင့် ပြည်သူ့ဆက်ဆံရေးဉီးစီးဌာန၊ ခရိုင်ဉီးစီးအရာရှိ ဒေါ်မျိုးမျိုးသွယ်က ကျေးလက်ဒေသဖွံ့ဖြိုးရေး စကားဝိုင်းများ ကျင်းပရခြင်း၏ ရည်ရွယ်ချက်များကို ရှင်းလင်းပြောကြားခဲ့သည်။ 

ထို့နောက် ပြည်သူ့လွှတ်တော်ကိုယ်စားလှယ် ဉီးဝင်းဝင်းက ဉီးဆောင်ဆွေးနွေးရာ ကျေး လက်နေ ပြည်သူများမှ မိမိတို့ ကျေးရွာလိုအပ်ချက်များ၊ အခက်အခဲများကို ပွင့်ပွင့်လင်းလင်း ဆွေးနွေးကြရန်နှင့် ရပ်ရွာပြည်သူလူထု ပူးပေါင်းဆောင်ရွက်မှသာ ကျေးရွာဖွံ့ဖြိုးတိုးတက်မည်ဖြစ် ပါကြောင်း၊ ဆွေးနွေးပွဲစကားဝိုင်းတွင် အပြုသဘောဆောင်သည့် ဆွေးနွေးချက်များကို ပူးပေါင်း ပါဝင် ဆွေးနွေးကြရန် ပြောကြားခဲ့ကြောင်း သိရသည်။ 

အခမ်းအနားကို ဆက်လက်ကျင်းပရာ ပြည်သူ့လွှတ်တော်ကိုယ်စားလှယ် ဉီးဝင်းဝင်း၊ တိုင်းဒေသကြီး လွှတ်တော်ကိုယ်စားလှယ် ဉီးကျော်စွမ်းရည်၊   ခရိုင်ပြန်/ဆက်ဉီးစီးဌာန ဉီးစီးအရာရှိ၊ မြို့နယ်မီးသတ်ဉီးစီးမှူး၊ မြို့နယ်ပညာရေးမှူး၊ မြို့နယ်စိုက်ပျိုးရေးဉီးစီးဌာန၊ မွေးမြူရေးနှင့် ကုသ ရေးဉီးစီးဌာန၊ မြို့နယ်စားသုံးသူရေးရာဉီးစီးဌာန၊ မြို့နယ်လယ်ယာမြေ စီမံခန့်ခွဲရေးနှင့် စာရင်းအင်း ဉီးစီးဌာနနှင့် လူဝင်မှုကြီးကြပ်ရေးဉီးစီးဌာနများမှ ဌာနဆိုင်ရာတာဝန်ရှိသူများက တက်ရောက် လာသူများ၏ မြေယာပိုင်ဆိုင်မှု၊ အငြင်းပွားမှုကိစ္စရပ်များ၊ ဆရာ/ဆရာမ ခန့်ထားပေးနိုင်ရေး၊ ဆည်မြောင်းရေရရှိရေး၊ တစ်ပိုင်တစ်နိုင်မွေးမြူရေးလုပ်ငန်းများနှင့် အခြားကျေးလက်ဒေသဖွံ့ဖြိုးရေး ကိစ္စရပ်များနှင့်ပတ်သက်၍ သိလိုသည်များကို ဆွေးနွေးမေးမြန်းခဲ့ရာ ပြည်သူ့လွှတ်တော် ကိုယ်စား လှယ် ဉီးဝင်းဝင်း၊ တိုင်းဒေသကြီး လွှတ်တော်ကိုယ်စားလှယ် ဉီးကျော်စွမ်းရည်နှင့်  ဌာနဆိုင်ရာများမှ တာဝန်ရှိသူများက ပြန်လည် ဖြေကြားခဲ့ကြောင်း သိရှိရသည်။

          အဆိုပါ ကျေးလက်ဒေသဖွံ့ဖြိုးရေး ပြည်သူ့စကားဝိုင်းသို့ ပြည်သူ့လွှတ်တော် ကိုယ်စားလှယ် ဉီးဝင်းဝင်း၊ တိုင်းဒေသကြီး လွှတ်တော်ကိုယ်စားလှယ် ဉီးကျော်စွမ်းရည်၊  ဌာနဆိုင်များမှ တာဝန် ရှိသူများ၊ မင်းဘူးခရိုင်၊ ပြန်ကြားရေးနှင့် ပြည်သူ့ဆက်ဆံရေးဉီးစီးဌာနမှ ဝန်ထမ်းများ၊ ကျေးရွာ အုပ်ချုပ်ရေးမှူးနှင့် မောင်းမကန်ကျေးရွာ အုပ်စုအတွင်းမှ ကျေးလက်နေပြည်သူများ    တက်ရောက် ခဲ့ကြောင်း  သိရှိရသည်။
          ကျော်စိုးဝင်း(မင်းဘူး)

မင်းဘူးမြို့တွင် ကလေးသူငယ်များအတွက် သဘာဝဘေးအန္တရာယ် လျော့ချရေးနှင့် တုန်ပြန့်ဆောင်ရွက်ရေး အသိပညာပေး အခမ်းအနား ကျင်းပ



မင်းဘူး          ဇန်နဝါရီ        ၁၇
           ကလေးသူငယ်များအတွက် သဘာဝဘေးအန္တရာယ် လျော့ချရေးနှင့် တုန်ပြန့်ဆောင်ရွက်ရေး အသိပညာပေး အစီအစဉ်(Kaeru Caravan)  အခမ်းအနားကို မကွေးတိုင်းဒေသကြီး၊ မင်းဘူးမြို့ အထက(၁)ကျောင်းတွင် ယမန်နေ့ နံနက် ၉ နာရီ အချိန်က ကျင်းပခဲ့ကြောင်း သိရသည်။

          အခမ်းအနားကို မင်းဘူးခရိုင် အထွေထွေအုပ်ချုပ်ရေး ဉီးစီးဌာန၊ ဒုတိယခရိုင် အုပ်ချုပ်ရေးမှူး ဉီးကျော်ဇေယျက ခေတ်မီဖွံ့ဖြိုးတိုးတက်သော ဒီမိုကရေစီနိုင်ငံတော်သစ်ဆီသို့ ဉီးတည်တက်လှမ်း နေချိန်မှာ မီးသတ်ဉီးစီးဌာနဟာ မီးဘေးလုံခြုံရေး၊ သဘာဝဘေးအန္တရာယ် ကာကွယ်ရေး၊ ရှာဖွေကယ်ဆယ်ရေးနဲ့ ပြည်သူအကျိုးပြုဆောင်ရွက်ရေး စတဲ့ ရည်မှန်းချက် တာဝန်(၄)ရပ်ကို အကောင်အထည်ဖော် ဆောင်ရွက်လျက်ရှိပါကြောင်း ပြောကြားခဲ့သည်။ ထို့နောက် မြို့နယ်ပညာ ရေးမှူး ဉီးကြည်လွင်က ကျေးဇူတင်စကားပြန်လည် ပြောကြားခဲ့ကြောင်း သိရသည်။ 

          ဆက်လက်၍ ကလေးသူငယ်များအတွက် သဘာဝဘေးအန္တရာယ် လျော့ချရေးနှင့် တုန်ပြန့် ဆောင်ရွက်ရေး အသိပညာပေး အစီအစဉ်(Kaeru Caravan) ဂိမ်းကစားနည်း (၉)မျိုးကို အလှည့်ကျ လက်တွေ့ဆောင်ရွက်ခဲ့ကြပြီး၊ ခရိုင်မီးသတ်ဉီးစီးဌာနမှ ပြသထားသည့် ခေတ်မီ မီးငြှိမ်းသတ်ရေး ရှာဖွေကယ်ဆယ်ရေးယာဉ်၊ ယန္တရားများနှင့် အထောက်အကူပြုပစ္စည်းများအား လှည့်လည် ကြည့်ရှု ပြီး၊  မီးသတ်ဉီးစီးဌာနမှ တာဝန်ရှိသူများက ကျောင်းသား/သူများအား လက်တွေ့သရုပ်ပြခြင်းများ ပြုလုပ်ခဲ့ကြောင်း သိရသည်။
          အဆိုပါ ကလေးသူငယ်များအတွက် သဘာဝဘေးအန္တရာယ် လျော့ချရေးနှင့် တုန်ပြန့် ဆောင်ရွက်ရေး အသိပညာပေး အခမ်းအနားသို့ တိုင်းဒေသကြီးလွှတ်တော် ကိုယ်စားလှယ် ဉီးကျော်စွမ်းရည်၊ ခရိုင်ဒုတိယအုပ်ချုပ်ရေးမှူးဉီးကျော်ဇေယျ၊ ဒုတိယတိုင်းဒေသကြီး မီးသတ် ဉီးစီးမှူး၊ ခရိုင်မီးသတ်ဉီးစီးမှူး အပါအဝင် သန္ဓေမီးသတ်တပ်ဖွဲ့ဝင်(၇၅)ဉီး၊ အရန်မီးသတ်တပ်ဖွဲ့ ဝင်(၁၅)ဉီး၊ မြို့နယ်ပညာရေးမှူး၊ ခရိုင်/မြို့နယ်အဆင့် ဌာနဆိုင်ရာများမှ အကြီးအကဲများ၊  အထက(၁)ကျောင်းအုပ်ဆရာကြီးနှင့် ဆရာ/ဆရာမများ၊ ကျောင်းသား/သူ စုစုပေါင်း(၃၀၆)ဉီး တက်ရောက်ခဲ့ကြောင်း သိရှိရသည်။
          ကျော်စိုးဝင်း(မင်းဘူး)